Saýda mınıstri sanktsııaǵa ilikken eki kompanııaǵa qatysty túsinik berdi

ASTANA. KAZINFORM –  Sanktsııa tizimine ilikken eki qazaqstandyq kompanııa óz jumysyn elimizdiń aýmaǵynda jalǵastyryp jatyr. Bul týraly QR Saýda jáne ıntegratsııa mınıstri Arman Shaqqalıev málim etti.

- Kazstanex jáne «Metallstan» atty eki kompanııa metall óńdeý salasynda jabdyqtardy jetkizýmen aınalysqan. Bul kompanııalar osy qyzmetpen buryndary da aınalysqan. Ókiletti organdardyń aqparatyna qaraǵanda, olar qazir syrtqy saýdaǵa qatysyp jatqan joq. ıAǵnı el ishinde ǵana jumys istep otyr. Alǵash ret AQSh pen Kanada tizimine engennen keıin, sol kezden bastap qyzmet baǵytyn ózgertti. Atap aıtqanda, atalǵan tizimder men ónim ataýy tek 2024 jyly paıda boldy, al osy kompanııalardyń jumysy erterekte bastalǵan, - dedi A.Shaqqalıev Parlament Májilisinde tilshiler suraǵyna jaýap bere otyryp.

Buǵan deıin BAQ-ta Reseıge qarsy santsııalar aıasynda eki kompanııa EO tizimine engeni habarlandy.

Eske salsaq, Qazaqstan qarjy sektorynyń qaıtalama sanktsııalarǵa túspeýi úshin tıisti sheshim qabyldady. Atap aıtqanda, elimizdegi ekinshi deńgeıli bankter Reseıge qatysty sanktsııa talaptaryn oryndaý baǵytynda tıisti rásimderdi kúsheıtti.