Saýda mınıstri «mobıldi 100 aýdarym» qaǵıdaty týraly pikir bildirdi

Saýda jáne ıntegratsııa mınıstri Arman Shaqqalıev  Senat otyrysynan keıin ótken brıfıngide «mobıldi 100 aýdarym qaǵıdatynyń» tutynýshylardyń quqyǵyna áseri týraly pikir bildirdi, dep Kazinform. 

«Mobıldi tólemderdi retteýdegi «100 aýdarym» qaǵıdaty engizilgennen beri tutynýshylardan qansha shaǵym tústi? Jalpy bul ózgeris eldegi ishki saýdaǵa, tutynýshylardyń quqyǵyna qalaı áser etedi dep oılaısyz», - dep surady jýrnalıst.

Mınıstrdiń aıtýynsha, búginge deıin Tutynýshylardyń quqyqtaryn qorǵaý komıtetine bul máselemen eshbir shaǵym túspegen.

«Ondaı statıstıka qazir joq. Ony esepteý kerek. Keıin qosymsha jaýap beremiz. Ótken aptada meniń atyma, bizge ondaı maǵynada aryzdar tústi degen aqparat joq. Al ózgeristiń áserin aıtsaq, bul jańa qural emes. Mysaly, 2020 jyly elimiz boıynsha 150 myń tólem termınaly bolsa, qazir mıllıonnan asty. 2020 jyly mobıldi tólemder 3 trln teńge bolsa, qazirgi tańda 4 ese ósti. ıAǵnı, saýda salasy QR-júıege daıyn. Bul saýdaǵa kedergi jasaıtyn júıe emes», - dedi Saýda jáne ıntegratsııa mınıstri.

Kazinform oqyrman nazaryna mobıldi aýdarymdardy salyq orbıtasyna shyǵarý sharalarynyń kimderge qandaı qatysy bolatyny týraly sholý usynǵan bolatyn, myna jerden oqı alasyz.