Saýda mınıstri Qazaqstanda qoı etiniń baǵasy ne sebepti óskenin túsindirdi
ASTANA. KAZINFORM – Qazaqstanda qoı eti baǵasynyń kúrt ózgerýine Qurban aıt kezinde suranystyń maýsymdyq ósýi áser etti. Bul týraly Saýda jáne ıntegratsııa mınıstri Arman Shaqqalıev málim etti.
Onyń aıtýynsha, meıram kúnderi suranystyń artýyna baılanysty keıbir taýarlardyń baǵasy dástúrli túrde kóteriledi.
- Qoı etiniń qymbattaýyna sebep bolǵan basty faktor – Qurban aıt. Sonymen qatar, 8 naýryzda gúl únemi qymbattaıdy, al jumyrtqa baǵasy Pasha kezinde ósedi. Bul jerde bastysy - suranys pen usynys. Taýarǵa suranys ósse, baǵa da kóteriledi, ıaǵnı ekonomıkanyń zańdylyǵy osyndaı. Sondyqtan tańdanýdyń qajeti joq, - dedi A. Shaqqalıev Parlament Májilisinde tilshiler suraǵyna jaýap bere otyryp.
Bul turǵyda mınıstr qazir naryqta tutynýshylarda qoı etinen basqa sıyr etin nemese jylqy jáne qus etin tańdaý múmkindigi bar ekenin aıtty.
Buǵan deıin osy jyly Qurban aıt kezinde Ortalyq Azııa elderinde qoı baǵasy óskenin jazǵan edik.
