Saýda mınıstri et baǵasyna qatysty: tikeleı buıryq bere almaımyz

ASTANA. KAZINFORM – Saýda jáne ıntegratsııa mınıstri Arman Shaqqalıev elimizde et baǵasyna qatysty túsinik berdi.

- Bul jerde eki faktor bar. Birinshi, buǵan deıin atap ótkenimdeı, jahandyq másele. Brazılııa, Argentına syndy álemdik iri oıynshylar ónim kólemin ózgertip otyr. Ekinshi faktor – búginde kórshi memleketterde et baǵasy bizge qaraǵanda áldeqaıda joǵary, soǵan baılanysty baǵa aǵyny júrip jatyr, naryqta suranys joǵary. Biz osy dınamıkany baıqap, ishki naryqty qamtamasyz etý sharasyn qolǵa aldyq, - dep jaýap berdi Arman Shaqqalıev Úkimet úıinde ótken baspasóz máslıhatynda. 

Osy oraıda mınıstr naryqtyq ekonomıkada ómir súrip jatqanymyzdy eske saldy. 

- Sondyqtan baǵa boıynsha tikeleı buıryq bere almaımyz. Biraq, qaı jerde jáne qashan taýarlyq ınterventsııa jasaý qajet ekenin qarap otyramyz, baqylaý dúrlikpeni basý úshin qajet. Naryqta et turaqty, jetkilikti bolady dep kútý kerek. Iá, baǵa ártúrli, óıtkeni, taza et, tós-jaýyryn taǵy basqa bóligi bar, - dep tolyqtyrdy vedomstvo basshysy. 

Buǵan deıin Astana bazarlaryndaǵy et qaýipsizdigine sholý jasaǵan edik.

Aıta keteıik, elimizde azyq-túlik vaýcheri pılottyq jobasy iske qosylady.

Sondaı-aq jańa otandyq saýda marketpleısin iske qosý pysyqtalyp jatyr.