Saýda mınıstri «Altyn Orda» bazarynyń keleshegi týraly pikir bildirdi

Májilistegi saýda saıasatyn damytý máselelerine arnalǵan Úkimet saǵatynda Saýda jáne ıntegratsııa mınıstri Arman Shaqqalıevke «Altyn Orda» bazarynyń keleshegi týraly suraq qoıyldy, dep habarlaıdy Kazinform.

«Májilistiń jumys tobynda sizderdiń mınıstrlik jaqynda ǵana aqparat bergen bolatyn. Shymkent, Astana, Almaty qalalaryndaǵy modernızatsııaǵa jatatyn 16 bazardyń ishinde «Altyn Orda bazary bar ma?» - dep surady depýtat Erbolat Saýryqov.

Mınıstr «Altyn Orda» bazary Almaty qalasy emes, Almaty oblysynda tirkelgenin eske saldy.

«Jol kartasynda ondaı nysan bar. Qazirgi tańda úshinshi úlken kóterme taratý ortalyǵy bolady. Ol jerde eki úlken pavılon salyndy. Bireýi azyq-túlikke arnalǵan. Ekinshisi – azyq-túlik emes taýarlarǵa arnalǵan. Qazirgi tańda kóptegen adamdar kóshede saýda jasaı beretinderin aıtyp otyr. Olarǵa qosymsha tólem tólemeı, solaı jumys isteý yńǵaıly. Kóshede saýda jasaý – bolmaıtyn format. Saýdagerlerge sony aıttyq», - dedi Arman Shaqqalıev.