Saýda mınıstri agrarlyq bank qurý týraly usynysqa pikir bildirdi
Saýda jáne ıntegratsııa mınıstri Arman Shaqqalıev agrarlyq bank qurý týraly usynysqa pikir bildirdi, dep habarlaıdy Kazinform.
«Keshe Májiliste Ulttyq bank tóraǵasynyń orynbasary Vıtalıı Týtýshkın agrobank qurýǵa qarsy emes ekenderin aıtty. Saýda salasynyń mınıstri retinde sizdiń pikirińizdi bilgimiz keledi. Agrarlyq bank qurý qajet pe?» — dep surady jýrnalıst.
Vedomstvo basshysy bul másele Ulttyq bank quzyryndaǵy sharýa ekenin aıtady.
«Menińshe, Ulttyq bank aıtyp jatyr. Olar qaı salany qalaı qarjylandyratynyn ózderi biledi. Sondyqtan negizgi sheshimdi solar aıtady», — dedi ol.
Mınıstr saýda salasynyń ókilderi úshin agrarlyq salany kim qarjylandyrǵany emes, qalaı qarjylandyrǵany mańyzdy ekenin de aıtty.
«Biz mınıstrlik retinde nesıeniń mólsherlemesi yńǵaıly bolý kerek dep aıtyp otyrmyz. Mólsherleme naryq talabyna saı bolsa, qalǵany ekinshi kezektegi másele. Meıli ol „Halyq bank“ bola ma, meıli agrarlyq bank bola ma, bári bir. Nesıe qoljetimdi bolǵany kerek. Qazirgi tańda Ulttyq banktiń mólsherlemesi qandaı ekenin bilesizder. Bazalyq mólsherleme ınflıatsııaǵa baılanysty», — dedi Arman Shaqqalıev.
