Saýda qyzmetin retteýge qatysty zańdarǵa túzetýler engizýdi kózdeıtin zań jobasy tanystyrylady
ASTANA. Qańtardyń 18-i. QazAqparat - Erteń, qańtardyń 19-y kúni Májiliste «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótedi.
Bul sharany Májilistiń Ekonomıkalyq reforma jáne óńirlik damý komıteti uıymdastyryp otyr, dep habarlaıdy QazAqparat.
Zań jobasy jóninde QR Indýstrııa jáne saýda mınıstriniń orynbasary Tımýr Jaqsylyqov baıandama jasap, qandaı túzetýler engiziletini týraly depýtattarǵa túsinik beredi. Osy zań jobasy boıynsha qurylǵan jumys tobyna Májilistiń Ekonomıkalyq reforma jáne óńirlik damý komıtetiniń múshesi Egor Kappel jetekshilik jasaıdy.
Zań jobasyn ázirleý qajettiligi saýda qyzmeti salasyndaǵy qoldanystaǵy ulttyq zańnama saýda operatsııalaryn damytýdyń yntalandyrý nemese qoldaý sıpatynan góri, retteý sıpatyna ıe ekendiginen týyndaǵan.
