Saýda qorytyndysy boıynsha Qytaı rynogy 4%-ǵa qulady
ASTANA. Maýsymnyń 29-y. QazAqparat - Qytaı qor rynogynyń negizgi aıqyndaǵyshy sanalatyn Shanghai Composite Shanhaı bırjasynyń ındeksi saýda sessııasynyń qorytyndysy boıynsha 4,3% qulady, bul ótken 14 kún ishindegi eń tómengi beldem, dep habarlaıdy RBK.
Saýda sessııasy jabylý aldynda Shanghai Composite mańyzy ótken jyldyń sáýir aıynan bergi kezeńdegi eń tómengi 2427,1 oryndy qurady. 2010 jyldyń basynan bergi ótken ýaqytta Shanhaı bırjasy ındeksiniń 20%-yn joǵaltty.
Qytaı rynogyndaǵy búgingi aktsııalardyń satylymyn taldaýshylar eki faktormen túsindiredi. Birinshisi - amerıkalyq Conference Board uıymymen qurylatyn, Qytaıdyń ekonomıkalyq aıqyndaǵyshynan ozatyn ındekster mańyzynyń kútkendegiden álsiz bolýy. Uıym alǵashqy málimetterge túzetý engizip, sáýirdegi ındeksti 0,3% ósti dep jarııalady, al oǵan deıin ındekstiń 1,7%-ǵa óskeni týraly habarlanǵan bolatyn.
Osy arada, Japonııanyń qor alańyndaǵy saýda da tómendeýmen aıaqtaldy. Nikkei 225 Tokıo bırjasynyń jetekshi ındeksi kún qorytyndysy boıynsha 1,27% bolyp, 9570,67 orynǵa tómendedi.
Shıkizat rynogyndaǵy ahýal da ınvestorlardyń kóńilin jaılandyryp otyrǵan joq. Nıý-Iork saýda sessııasynyń qorytyndysy boıynsha, munaı baǵasy tómendep ketýi japondyq munaı kompanııalarynyń baǵamyn túsirip jiberdi. Japondyq iri Inpex Corp. munaı óndirý kompanııasy tómendeýdiń kóshbasshysyna aınaldy, onyń aktsııasynyń rynoktyq quny 3,8 %-ǵa deıin qulap ketti.
