Saýda kóleminiń ósýi aǵymdaǵy jyly - 12, al 2012-2015 jyldary 8-10 paıyzǵa baǵalanady - Q.Kelimbetov
ASTANA. 10 mamyr. QazAqparat /Marlan Jıembaı/ - Saýda kóleminiń ósýi aǵymdaǵy jyly - 12, al 2012-2015 jyldary 8-10 paıyzǵa baǵalanady.
Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov málim etti.
Naqty sektordaǵy ósim usynylatyn qyzmetter kóleminiń ulǵaıýyna yqpal etetin basa aıtqan mınıstr: «Saýda kóleminiń ósýi aǵymdaǵy jyly 12 paıyzǵa jáne 2012-2015 jyldary 8-10 paıyzǵa baǵalanady», - dedi.
Sonymen qatar Q.Kelimbetovtiń atap ótýinshe, ónerkásip óndirisi kóleminiń nysanaly parametrler aıasynda ulǵaıýy kólik qyzmetiniń jyl saıyn 7-8 paıyzǵa arttyrylýyna sebep bolmaq.
«Aqparat jáne baılanys qyzmetteri jyl saıyn 7-9 paıyzǵa ósýi kerek», - dedi ol.
