Saýd Aravııasy soltústiktegi shekarasyna baqylaýdy kúsheıtpek
ASTANA. QazAqparat - Saýd Aravııasy uzyndyǵy 900 shaqyrym bolatyn soltústik óńirdegi shekarasyn bekitip, baqylaýǵa kiristi, dep habarlady ITAR-TASS.
Shekarany baqylaýdy kúsheıtý týraly Saýd Aravııasynyń koroli Abdolla ınb Ábdel Ázız ál-Saýdtyń jobasy juma kúni tanystyryldy. Onyń Djıdda qalasyndaǵy saraıynda ótken tanystyrylymǵa Bahreın koroli, sheıh Hamad ben Isa ál-Halıfa, Saýd Aravııasynyń Qorǵanys mınıstri Salman ıbn Ábdel Ázız ben koroldik barlaýdyń basshysy Halıd ıbn Bandar jáne Іshki ister mınıstri Mýhammed ıbn Naıf qatysty.
Aqparat kóziniń habarlaýynsha, shekara alty aımaqqa bólinedi. Onyń ón boıyna ortalyqtan basqarylyp, qımyldy baqylaıtyn qurylǵylarmen ýltrakúlgin kameralary ornatylady. Sonymen qatar, 32 arnaıy beket ashylady. Qazirgi ýaqytta 60 mamannyń basshylyǵymen 3397 adam shekarada daıyndaqtan ótip jatyr. El bıliginiń mundaı sheshimge kelip, áreket etýi Irak pen Iemendegi shıelenisken ahýalǵa baılanysty bolyp otyr. Sonymen qatar, shekarany kúsheıtýdegi taǵy bir maqsat - soǵysta júrgen saýdııalyq «Islam memleketi»sodyrlaryn elge kirgizbeý jáne ekstermısterge qarý jaraq kirip ketpeýin baqylaý.
