Saýd Arabstanynda «Ál-Kaıeda» jelisiniń úlken oshaǵy joıyldy
ASTANA. Naýryzdyń 25-i. QazAqparat - Saýd Arabstanynyń ókimeti lańkestik jeliniń ashylǵany jáne lańkestikke qatysy bar degen kúdikpen 113 adamnyń tutqyndalǵany týraly málimdeme jasady,
dep habarlaıdy RBK agenttigi.
Tutqyndalǵandardyń ishinde - 58 saýd, 52 ıemen, bir-birden - Somalı, Erıtreıa jáne Bangladesh azamattary bar. Olardyń barlyǵy «Ál-Kaıedamen» baılanysy bar úsh lańkestik toptyń quramyna kirgen. 12 adamdy polıtsııa Iemenmen shekaralas aýmaqta júrgizilgen ekstremıster bazasyn joıý operatsııasynyń barysynda ustady.
Saýdııa Іshki ister mınıstrliginiń ókili Mansur at-Túrkıdiń málim etýinshe, lańkester Koroldiktiń shyǵys ýálaıatyndaǵy munaı óndirýshi jáne munaı óńdeýshi ónerkásip nysandaryna şabýyl jasaýdy josparlaǵan. 12 lańkes jankeshti bolýǵa daıyndalǵan.
Іshki ister mınıstrligi qabyldaǵan sharalardyń arqasynda, lańkester ustalyp, olar josparlaǵan lańkestik áreketterdiń aldy alyndy.
