Saýd Arabııasynyń turǵyny tórt aıda 320 keli salmaq tastapty
ASTANA. Qazaqparat - Salmaǵy 610 keli bolǵan Saýd Arabııasynyń turǵyny Haled Mýhsen ash-Shaırı tórt aıda 320 kelige aryǵan.
Djazan qalashyǵynyń turǵyny ózdiginshe qozǵala almaıtyn jaǵdaıǵa jetkesin onyń densaýlyǵyn Er-Rııadtegi korol Fahd atyndaǵy Medıtsınalyq ortalyqtyń mamandary qolǵa alypty.
Arnaıy dıetanyń arqasynda ash-Shaırı 3 aıda 150 kelige aryp, tórtinshi aıda asqazanyna ota jasalǵasyn taǵy 170 keli salmaq tastaǵan.
Emdeý barysynda onyń jaǵdaıyn 21 dáriger men 15 medbıke táýlik boıy baqylaǵan. Anasy da árdaıym balasynyń qasynda bolǵan.
