Saýd Arabııasynyń soty sharap daıyndaǵan zeınetkerdi qamshymen 350 ret sabaý jazasyna kesti
ASTANA. QazAqparat - Saýd Arabııasynyń soty úı jaǵdaıynda sharap jasaǵan 74 jastaǵy brıtandyq zeınetker Karl Andreni qamshymen 350 ret sabaý jazasyna kesti, dep jazady brıtandyq The Daily Mail gazeti.
Aǵylshyn azamaty 2014 jyldyń qańtar aıynan beri Jıdda qalasynyń túrmesinde otyr. Zeınetkerdiń otbasy brıtandyq premer-mınıstr Devıd Kemeronǵa onyń bul jaǵdaıǵa jeke aralasyp, Andreniń úıine oralýyna kómektesý ótinishin bildirgen.
Saýd Arabııasy zeınetkerdiń kóliginen sharap bótelkelerin tapqan. Bul elde alkogoldi ishý aýyr qylmys bolyp esepteledi.
