Saýd Arabııasynyń shyǵysynda avtomobıl jaryldy
ABÝ-DABI. QazAqparat - Saýd Arabııasynyń shyǵysynda ornalasqan El-Katıf qalasynda avtomobıl jaryldy. Tilshimizdiń «Al Arabııa» telearnasyna silteme jasap habarlaýynsha, jarylystyń saldarynan beısenbi kúni tań ata eki adam mert boldy.
Aldyn ala málimetter boıynsha, qurban bolǵandardyń ekeýi de osyǵan deıin El-Katıf qalasynda Saýd Arabııasynyń qaýipsizdik qyzmetiniń ókilderine jasalǵan shabýylǵa qatysy bolýy múmkin.
Saýd Arabııasy Koroldiginiń shyǵys provıntsııasynda sheıitter turady jáne olardyń sany asa kóp emes. Dúısenbi kúni bir top sodyrlar El-Katıf okrýgine qaraıtyn aýyldardyń birinde Koroldiktiń qaýipsizdik qyzmetiniń kóligine shabýyldady. Shabýyldyń saldarynan jedel áreket etý qyzmetiniń bir ókili dene jaraqatyn aldy. Jergilikti bılik ókilderi bolǵan oqıǵa boıynsha tergeý jumystaryn júrgizip jatyr.
