Saýd Arabııasynyń polıtseıleri quny 267 mln. dollardy quraıtyn esirtki partııasyn tárkiledi
ASTANA. QazAqparat - Saýd Arabııasynyń polıtseıleri kontrabandamen aınalysqan alty qylmyskerdi tutqyndap, olardan jalpy quny 267 mln. dollar bolatyn esirtki partııasyn tárkiledi. Bul týraly koroldiktiń ІІM málimdedi.
Saýd Arabııasynyń bes turǵyny men Bahreınniń bir turǵyny aral koroldiginen Arabııa túbegine 22,6 mln. amfetamın tabletkasyn alyp ótpek bolǵan, dep habarlady Mansýr at-Túrkı eliniń ishki ister mınıstrliginen. Onyń aıtýynsha, qylmyskerler esirtkini matalǵan sym oramdary men plastmassa buıymdardyń arasyna jasyrǵan, dep jazady ITAR-TASS.
