Saýd Arabııasynyń murager hanzadasy 79 jasqa qaraǵan shaǵynda ómirden ozdy
ASTANA. 17 maýsym. QazAqparat - Shveıtsarııada Saýd Arabııasynyń Premer-Mınıstri ári arab memleketi taǵynyń murageri Naıef bın Abdel Azız Ál-Saýd ómirden ozdy.
Reuters-ke silteme jasap RBK-nyń habarlaýynsha, saıasatker 16 maýsym kúni Jenevada 79 jasqa qaraǵan shaǵynda kóz jumdy.
2012 jyldyń mamyrynan beri hanzada Jenevada ornalasqan amerıkandyq gospıtalde medıtsınalyq tekserýden ótip jatqan. Saıasatker diń múrdesin jer qoınyna berý rásimi búgin, 17 maýsym kúni ótedi. Hanzada óliminiń sebepteri ázirshe habarlanyp otyrǵan joq. Birqatar derekterge qaraǵanda, taq murageri qan dıabetimen aýyrǵan ári osteoporozadan zardap shekken.
Ol 1933 jyly Mekkege taqaý tustaǵy Taıf qalasynda týǵan. 1953 jyly Er-Rııad qalasynyń gýbernatory, al 1975 jyly Saýd Arabııasynyń syrtqy ister mınıstri bolǵan. Óziniń aǵasy murager hanzada Sultan bın Abdel Azız ál-Saýd qaza tapqannan keıin Saýd Arabııasynyń murager hanzadasy ári Premer-Mınıstri bolyp taǵaıyndalǵan.
