Saýd Arabııasynyń munaı obektisine zymyranmen shabýyl jasaldy

ER-RIıAD. QazAqparat –Saýd Arabııasynyń Djıdda qalasyndaǵy munaı taratý stantsııasyna hýsıt búlikshileriniń zymyrany soqqy berdi. Alaıda jarylystan eshkim zardap shekken joq, dep habarlaıdy QazAqparat Al Jazeera-ǵa silteme jasap.

Saudi Aramco kompanııasy ókiliniń seısenbidegi málimdemesine sáıkes, shabýyl zaýytta saqtalǵan barlyq otynnyń shamamen 10% -yn joǵaltty, al ol saqtalǵan rezervýar qazir isten shyqqan.

Munaı stantsııasyna jasalǵan shabýyldy bir kún buryn Saýd Arabııasynyń bıligi rastap, ony «snarıadpen jasalǵan terrorıstik shabýyl» dep málimdedi.

Zymyran shabýylynan keıin shyqqan órt 40 mınýt ishinde sóndirildi. Odan zardap shekkender men qurban bolǵandar joq.

Shabýyldy Iemendik hýsıt búlikshiler toby jasaǵany jáne shabýyldan keıingi málimdemesinde jaýapkershilikti óz moınyna alǵandyǵy habarlandy. Zymyran shabýyly týraly jarııalaı otyryp, hýsıttiń áskerı ókili ıAhıa Sarı «operatsııalar jalǵasady» dep eskertti. Onyń aıtýynsha, shabýyl Saýd Arabııasy bastaǵan Iemendegi koalıtsııanyń áreketterine jaýap retinde jasalǵan. Ol sondaı-aq «Soltústik Djıdda zaýyty - Saudi Aramco» degen jazýy bar sýretti jarııalady.

Djıdda – Saýd Arabııasynyń ekinshi úlken qalasy jáne «ekonomıkalyq» astanasy, Mekke men Medınaǵa baratyn qajylar jınalatyn oryn. Djıddada Qazaqstannyń Bas konsýldyǵy ornalasqan.