Saýd Arabııasynyń Mına jazyǵynda keptelis saldarynan qajylyqqa barǵan 220-dan astam adam qaza tapty
ASTANA. QazAqparat - Saýd Arabııasynyń Mına jazyǵynda keptelis saldarynan qajylyqqa barǵan 220-dan astam adam qaza taýyp, 450-den astam adam zardap shekti. Bul týraly koroldiktiń azamattyq qorǵanys qyzmetine silteme jasap TASS habarlap otyr.
Málimetterge sáıkes, merekelik namazǵa júzdegen myń qajy jınalǵan Mına jazyǵynda keptelis kezinde 220 adam qaza tapqan. Júzdegen adam jaraqat alǵany atap ótiledi. Aldyn ala málimetter boıynsha, kem degende tórt júzdeı adam jaraqattanǵan bolýy múmkin.
Mına jazyǵynda qaza tapqandar men jaraqattanǵandar qaı ult ókilderi ekendigi týraly aqparat joq.
Tańerteń musylmandar úshin kıeli qala Mekkeden birneshe shaqyrym jerde ornalasqan Mına jazyǵynda musylmandardyń Id ál-Adha - Qurban aıt merekesiniń qurmetine oqylǵan namazǵa kóptegen elderden kelgen júzdegen myń qajy jınaldy.
Aıta keteıik, Qurban aıttyń birinshi kúni (zılhıjjanyń 10-ynshy kúni) qajylyq paryzyn óteýshiler Mınada shatyrlarǵa ornalasqannan keıin shaıtanǵa tas laqtyrý úshin úlken shaıtanǵa (Aqaba jámrasyna) barady. Qurban aıttyń birinshi kúni úlken shaıtan tasqa (Aqaba jámrasyna) jeti tas laqtyrylady. Keptelis osy kezde oryn alǵan tárizdi.
