Saýd Arabııasynyń koroli el basshylyǵyndaǵy ózgerister týraly jarııalady
ASTANA. QazAqparat - Saýd Arabııasynyń jańa koroli Salman ıbn Ábdel Ázız el basshylyǵynda aıtarlyqtaı ózgerister jasady, dep habarlady juma kúni Saýd telearnasy.
Koroldiń dekretimen hanzada Haled ıbn Bandar ıbn Ábdel Ázız eldiń barlaý qyzmetiniń basshysy laýazymynan bosatyldy. Budan basqa, hanzada Bandar ıbn Sultan Saýd Arabııasynyń Ulttyq qaýipsizdik keńesiniń bas hatshysy qyzmetinen bosatyldy.
Saýd Arabııasy burynǵy koroliniń eki uly da qyzmetterinen bosatylǵan - hanzada Mashaal Mekke provıntsııasynyń gýbernatory, al hanzada Týrkı el astanasy - Er-Rııad qalasynyń ákimi bolyp jumys istegen edi. Abdallanyń taǵy bir balasy - hanzada Mıteb Ulttyq gvardııa mınıstri qyzmetinen ketti.
Salman ıbn Ábdel Ázızdiń korol bolǵanyna bir apta boldy - ol bul qyzmetke burynǵy korol Abdalla kóz jumǵannan keıin keldi.
