Saýd Arabııasynyń koroli birneshe mınıstrdi aýystyrdy
ASTANA. QazAqparat - Saýd Arabııasynyń koroli Salman ıbn Abdýl-Azız ál Saýd úkimette kadrlyq aýys-túıis ótkizdi.
Osylaısha, hanzada Saýd ıbn Feısal syrtqy ister mınıstri laýazymynan ketti. Ol bul mınıstrlikti sońǵy 40 jyl basqarǵan. Onyń ornyn Vashıngtonda buryn elshi bolǵan Adel ál-Djýbeır basty, dep habarlady Bı-bı-sı. Koroldiń kishi inisi kronprınts laýazymynan aıyryldy. Bul oryn jıeni Salman Mýhammed ıbn Naıfqa buıyrdy. Korol qaza tapqan jaǵdaıda kronprınts taqqa úmitker bola alady. Monarhtyń uly ekinshi murager hanzada tıtýlyn ıelendi, sonymen qatar ol ishki ister mınıstrligin basqaratyn boldy. Korol Salman bılikke osy jyldyń qańtarynda korol Abdalla kóz jumǵan soń kelgen.
