Saýd Arabııasynyń iri munaı qubyryna pılotsyz ushý apparattary shabýyl jasady
NUR-SULTAN. QazAqparat - Saýd Arabııasyndaǵy ortalyq munaı qubyryna pılotsyz avıatsııa shabýyldady. Bul týraly seısenbi kúni koroldiktiń energetıka, ónerkásip jáne mıneraldyq resýrstar mınıstri Haled al-Faleh málimdedi, dep habarlaıdy QazAqparat Al Mayadeen telearnasyna silteme jasap.
«Koroldiktiń batysynan shyǵysyna munaı tasymaldaıtyn munaı qubyryna mına qoıylǵan pılotsyz ushaqtar shabýyldady. Saudi Aramco ulttyq kompanııasy «Shyǵys-Batys» munaı qubyrynyń jumysyn toqtatty», - degen mınıstrdiń sózin keltiredi Al Mayadeen telearnasy.
Haled al-Faleh bul istiń artynda kim turǵanyn naqtylaǵan joq.
Mınıstrdiń sózinshe, jergilikti ýaqytpen 06:00 - 06:30 aralyǵynda pılotsyz basqarylatyn apparattar qubyr jelisiniń eki sorǵy stnasasyna shabýyldaǵan. Bul arqyly munaı ken oryndarynan koroldiktiń shyǵysyndaǵy ıAnbý portty qalasyna munaı tasymaldanady. Shabýyl saldarynan órt shyǵyp, №8 stansa zaqymdalǵan.
