Saýd Arabııasynyń ІІM Mekkedegi qaıǵyly oqıǵanyń sebebin aıtty
ASTANA. QazAqparat - Saýd Arabııasynyń ІІM Mekkedegi qaıǵyly oqıǵanyń birden-bir sebebi qatty ystyqtyń saldarynan degen boljam aıtty.
Bundaı pikirdi eldiń ІІM ókili general Feısal at-Týrkı málimdedi, dep habarlaıdy TASS.
«Qaıǵyly jaǵdaıdyń oryn alýynyń birden-bir sebebi asyqqan adamdar bir-birin ıtergen, al qatty ystyq qurbandar sanynyń ósýine alyp keldi», - deıdi ol.
Sondaı-aq, vedomstvo ókili qaýipsizdik qyzmeti bundaı oqıǵany endi boldyrmaýǵa tyrysatynyn atap ótti.
Aıta keteıik, Qurban aıttyń birinshi kúni qajylyq paryzyn óteýshiler Mınada shatyrlarǵa ornalasqannan keıin shaıtanǵa tas laqtyrý úshin úlken shaıtanǵa (Aqaba jámrasyna) barady. Osy kezde keptelis oryn alyp, saldarynan sońǵy málimet boıynsha 717 adam qaza taýyp, 800-den astam jaraqat alǵan. QR SІM aldyn ala boljam boıynsha keptelis saldarynan qaza tapqandar qatarynda qazaqstandyqtar joq ekendigin habarlaǵan bolatyn.
