Saýd Arabııasynyń ǵulamalary ekstremızm, lańkestik oqıǵalar men zorlyq-zombylyq kórinisterin qatań túrde synaıdy
ASTANA. QazAqparat - Saýd Arabııasynyń ǵulamalary ekstremızm, lańkestik oqıǵalar men zorlyq-zombylyq kórinisterin qatań túrde synaıdy. Bul týraly Qazaqstandaǵy Saýd Arabııasy Elshiligi taratqan aqparatta aıtylǵan.
«Saýd Arabııasynyń ǵulamalary ekstremızm, lańkestik oqıǵalar men zorlyq-zombylyq kórinisterin qatań túrde synǵa alyp, olardyń ıslam dininiń toleranttyq negizderine túbegeıli qarama-qaıshy ekendigin aıqyndaıdy. Koroldik ǵulamalary lańkestik áreketterdiń qasıetti Quran kárim mátinderi men Muhammed paıǵambardyń súnnetine qarama-qaıshy keletinin jetkizedi. Al bul eki qaınar bulaq Saýd Arabııasy Koroldiginiń Konstıtýtsııasy bolyp sanalatynyn aıta ótken jón», - delingen habarlamada.
Sonymen qatar habarlamada Koroldik «ál-Kaıda» men «DAISh»syndy lańkestik uıymdardyń lańkestik áreketterinen sonaý 1995 jyldan beri zardap shegip kele jatqany jáne de olarmen qaýipsizdik, oıshyldyq-fılosofııalyq turǵysynan, sondaı-aq qarjylandyrý negizderin kesý arqyly barynsha kúresip kele jatqandyǵy aıtylǵan. Koroldik lańkestiktiń taralyp, halyqaralyq deńgeıde kórinis tabatynyn sezip, búkil álemdi odan saqtandyrý qajettiligin eskerte otyryp, lańkestikpen kúresý jolynda halyqaralyq kúsh-jigerdi biriktirý úshineren eńbek atqardy.
Atalǵan máselege qatysty 2005 jyly Er-Rııad qalasynda halyqaralyq yntymaqtastyqty kúsheıtý maqsatynda Qaýipsizdik salasynyń mamandary deńgeıindelańkestikke qarsy alǵash halyqaralyq konferentsııa ótkizý bastamasyn usyndy. Sonymen qatar, BUU-nyń qoldaýymen ári 110 mln. dollar kólemindegi qarjylandyrýymen Lańkestikke qarsy dúnıejúzilik ortalyǵynyń qurylýyna bar kúsh-jigerin jumsady. Koroldik «Lańkestikke qarsy» taqyrybyndaǵy qandaı da bir konferentsııa bolsyn, halyqaralyq bastama bolsyn, birin de elemeı qalǵan emes.
Koroldik Sırııa men Iraktaǵy daǵdarys jaǵdaıyn, sondaı-aq lańkestik kórinisiniń keń etek jaıyp kele jatqandyǵyn eskerte otyryp, «DAISh» lańkestik uıymyn jeńýdiń birden bir joly - Sırııadaǵy daǵdarys jaǵdaıyn saıası jolmen, Irakta qajetti reformalardy júrgizý arqyly ǵana sheshýge bolatynyn jetkizgen.
Saýd Arabııasy Sırııa men Iraktaǵy «DAISh» lańkestik uıymyna qarsy áskerı koalıtsııanyń negizin qalaýshy elderdiń biri bolyp tabylady. Koroldik atalǵan uıymǵa qarsy áskerı naýqanǵa úles qosýyn jalǵastyrýda.
