Saýd Arabııasynyń fýtbolshylary mingen ushaq Reseı aspanynda jana bastady
ASTANA. QazAqparat - Saýd Arabııasynyń fýtboldan ulttyq quramasy mingen ushaq áýede jana bastady. Sportshylar Álem chempıonaty aıasyndaǵy matchqa qatysý úshin Rostovtaǵy Don qalasyna ushyp shyqqan, dep habarlaıdy QazAqparat TASS agenttigine silteme jasap.
«Reseı» avıakompanııasynyń ushaǵy kókte jalyndaı bastaǵany týraly habarlamalar aldymen áleýmettik jelilerde taraı bastaǵan.
Keıin Saýd Arabııasynyń fýtbol federatsııasy Twitter-degi resmı paraqshasynda dúısenbi kúni keshke aman-esen jerge qonǵanyn jazdy.
«Saýd Arabııasynyń fýtbol federatsııasy bolmashy tehnıkalyq aqaýlardan keıin ushaqtyń Rostovtaǵy Don áýejaıyna qonǵanyn jáne ulttyq quramanyń barlyq músheleri qaýipsiz jerde ekenin habarlaıdy. Qurama músheleri qazirgi ýaqytta toqtaǵan meken jaılaryna attanýda», - delingen habarlamada.
Áleýmettik jelilerde taraǵan vıdeoda áýe kemesiniń qanatynyń astynda, qozǵaltqyshqa jaqyn jerden ot tutanǵany kórinedi.
Aıta keteıik, Saýd Arabııasynyń quramasy 20 maýsym kúni Álem chempıonatynyń toptyq kezeńinde Ýrýgvaımen kezdesedi.
