Saýd Arabııasynyń bıligi zııarat etýshilerge Qurannyń 2 mln. kóshirmesin taratady

ASTANA. QazAqparat - Bıylǵy jyly Saýd Arabııasynda qajylyq paryzyn ótegen zııarat etýshilerge eki mıllıon quran kóshirmesi taratylady. Bul týraly TASS osy eldiń ıslam isteri mınıstrligine silteme jasap habarlady.

«Mınıstrlik bıyl qasıetti kitaptyń eki mıllıonǵa tarta kóshirmesin taratady», - dep habarlady eskertkish syılyqtar berý komıtetiniń basshysy sheıh Talál ben Ahmed ál-Akıl. Onyń aıtýynsha, Qurannyń kóshirmesi Jıdda mańyndaǵy korol Abdel Azız atyndaǵy halyqaralyq áýejaıda, osy qalanyń teńiz gavanynda, sondaı-aq eldiń birqatar aýdandaryndaǵy qurlyqtaǵy birneshe shekara ótkelinde taratylady.

Jalpy alǵanda koroldiktiń barlyq aýmaǵynda 50 syılyq berý pýnktteri uıymdastyrylǵan. Onymen 1 myńnan asa adam aınalysady. Olardyń maqsaty qajylyǵyn ótep, elden ketip bara jatqan birde-bir zııarat etýshi syılyqsyz qalmaýyn baqylaý.

Dinı vedomstvonyń málimdemesine sáıkes Quran 13 tilge aýdarylǵan, mátinderge túsinikter berilgen.

Bıylǵy jyly ıslamnyń qasıetti oryndaryna qajylyq kezinde eki qaıǵyly oqıǵa orny aldy - 11 qyrkúıekte Mekkede ál-Haram meshitinde munaraly kran qulap, 111 adam qaza boldy, al 24 qyrkúıekte Mına jazyǵynda keptelis saldarynan ártúrli elden 769 zııarat etýshi qurban boldy, taǵy 934-i zardap shekti.