Saýd Arabııasynyń bıligi jýrnalıst Djemal Kashıkchtyń neden kóz jumǵanyn aıtty
ASTANA. QazAqparat - Saýd Arabııasynyń bıligi jýrnalıst Djemal Kashıkchtyń eldiń Ystanbuldaǵy bas konsýldyǵynda bolǵan tóbeles kezinde kóz jumǵanyn jarııalady. Bul týraly Anadoly agenttigi habarlaıdy.
Saýd Arabııasynyń SPA agenttiginiń derekterine qaraǵanda, Koroldiktiń bas prokýratýrasy osy oqıǵany teksergen. Tekserý nátıjesinde jýrnalıst konsýldyqqa kirgennen keıin Saýd Aravııasynyń basqa azamattary arasynda tóbeles bolǵan. Nátıjesinde Djemal Kashıkchy kóz jumǵan.
SAK Bas prokýratýrasynyń aqparatyna sáıkes, jýrnalıstiń ólimine qatysty oqıǵa tergep-tekserilip jatyr. Qazirgi kezde 18 Saýd Arabııasynyń azamaty ustalǵan. Jáne bılik jýralıst ólimine qatysty kináliler mindetti túrde anyqtalyp, jazalanatynyn aıtýda.
Aıta keteıik, buǵan deıin kóptegen álemdik BAQ jýrnalıst Djemal Kashıkchtyń 2 qazan kúni joǵalyp ketkenin jəne sońǵy ret Saýd Arabııasynyń Túrkııadaǵy Bas konsýldyǵyna kirgenin jazǵan. BBC-tiń habarlaýynsha, Djemal konsýldyqqa ajyrasýyna baılanysty birneshe qujatty retteý úshin barǵan.
