Saýd Arabııasynyń bapkeri Argentınamen match aldynda komandaǵa qandaı keńes bergenin aıtty

ASTANA. QazAqparat – Saýd Arabııasynyń quramasy Katardaǵy álem chempıonatynyń toptyq kezeńiniń 1-týrynda Argentınany 2:1 esebimen jeńdi. Saýd Arabııasy ulttyq quramasynyń bas bapkeri Erve Renar osy match týraly pkir bildirdi, dep habarlaıdy QazAqparat reseılik Reuters agenttigine silteme jasap.

«Bizge osy matchty kútip otyrǵan 35 mıllıon el turǵyny týraly oılaýymyz kerek boldy. Men oıynshylarǵa Saýd Arabııasy búgin bárin toqtatyp, osy matchty taǵatsyzdana kútip otyrǵanyn aıttym. Stadıondaǵy jankúıerlerimizdiń sany óte kóp boldy, men endigi kezdesýlerde olar odan da kóp bolady dep úmittenemin.

Argentına – Amerıka kýbogynyń jeńimpazy, sońǵy 36 matchta jeńilip kórmegen qurama. Degenmen mundaı komandamen «kishkentaı» komanda oınaǵanda ne bolatynyn bilesizder. Biz – Qatardyń kórshimiz», - dedi Renar.

Eske sala keteıik, Qatarda ótip jatqan fýtboldan 2022 jylǵy álem chempıonatynyń S tobynda synǵa túsetin Argentına quramasy alǵashqy oıynda Saýd Arabııasynan jeńilip qaldy.

Oıynnyń alǵashqy mınýtynan argentınalyq fýtbolshylar tizgindi óz qolyna alýǵa tyrysqan edi. Oıynnyń 10-mınýtynda argentınalyq Lıonel Messı penaltıden esep ashty. Al ekinshi kezeńde Saýd Arabııasy quramasy belsendilik tanytyp, 48-mınýtta Saleh Al-Shehrı tarazy basyn teńestirse, Salem Al-Davsarı 53-mınýtta óz quramasyn alǵa shyǵardy.

Osylaısha, Saýd Arabııasy Argentınadan 2:1 esebimen basym tústi.

Osy jeńistiń qurmetine Saýd Arabııasynda sársenbi demalys kúni bolyp jarııalandy.

Foto: championat.com