Saýd Arabııasyndaǵy áıelder alǵash ret saılaýǵa qatysýda
ASTANA. QazAqparat - Saýd Arabııasynda búgin mýnıtsıpaldyq saılaý ótip jatyr, oǵan el tarıhynda alǵash ret áıelder qatysýda.
Áıelderge óz kandıdatýralaryn usynýǵa da ruqsat berildi, dep habarlady Bı-Bı-Sı.
5938 er adamdarmen birge 978 áıel kandıdat retinde tirkeldi.
130 myńǵa jýyq áıel saılaý ýchaskesine kelýdi josparlap otyr. Daýys berý úshin 1,35 mln er adam tirkeldi.
Saılaý Saýd Arabııasynda sırek ótetin úderis. 1965 jyldan 2005 jylǵa deıin munda saılaý ótpegen.
Qazir kóz jumǵan korol Abdalla 2011 jyly áıelderdiń saılaýǵa qatysýy týraly sheshim qabyldaǵan bolatyn.
