Saýd Arabııasynda jalpyǵa birdeı jańbyr tilegen minájat ótedi
ASTANA. 17 aqpan. QazAqparat - Saýd Arabııasynyń Koroli Abdalla ben Ábd-ál-Ázız óziniń otandastaryn 18 aqpanda jalpyǵa birdeı jańbyr tilegen minájat ótkizýge shaqyrdy.
Musylman dástúrinde Jaratqannan jańbyr surap jalbaryný minájaty bar, dep habarlady RBK.
SPA agenttiginiń habarlaýynsha, monarh óziniń baǵynyshty halqyn jaýyn-shashyn bolmaı qıyndyq keship otyrǵan osy kúnderi meıirbandy jáne keshirimshil bolyp, minájat etýge shaqyrdy.
Koroldiń jańbyr surap, jalpyǵa birdeı minájat etip, saýyn aıtýy - arab koroldiginde ornyqqan dástúrlerdiń biri. Memleket basshysy el azamattarynyń qıyn sátterde Muhammed paıǵambar ósıet etken saltty ustana otyryp, Allaǵa jalbarynýǵa keńes beredi.
Saýd Arabııasynyń aýmaǵynda ózender joq. Koroldik turǵyndary sýdy Qyzyl teńizden jáne Parsy shyǵanaǵynan alyp, tushytyp ishedi.
Arabııa monarhııasynyń azamattary musylman dinin ǵana ustanady. Basqa dinderdiń hramdaryn salýǵa zańmen tyıym salynǵan. Sonymen birge, musylman dinindegilerden basqalarǵa Mekke men Medıvaǵa barýǵa bolmaıdy, Saýd Arabııasynyń koroli osy qasıetti oryndardyń saqtaýshysy bolyp tabylady.
