Saýd Arabııasynda ustalǵan 11 hanzada «han saraıynda» qamaýda otyr
ASTANA. QazAqparat - Sybaılas jemqorlyq jasady dep ótken jeksenbide ustalǵan Saýd Arabııasynyń hanzadalary, sheneýnikteri jáne mınıstrleriniń qamaýda qandaı jaǵdaıda otyrǵany túsirilgen vıdeo ınternetti sharlap ketti.
The New York Times gazetiniń habarlaýynsha, odan koroldiktiń bedeldi tulǵalary saltanatty «Rıtts Karlton» qonaqúıiniń keń saraıynda kilem oranyp uıyqtap jatqany kórinedi.
Qonaqúıdiń veb-saıty dúısenbi kúni «Kútpegen jaǵdaılarǵa baılanysty qonaqúıdiń ınternet jáne telefon jelileri ýaqytsha úzildi» dep jazdy.
Eske sala keteıik, 4 qarashada Saýd Arabııasynyń koroli shyǵarǵan jarlyqpen basqarýshy bılikte otyrǵan otbasylardyń 11 hanzadasy qamaýǵa alynǵan bolatyn.
Hanzada Mýhammed ben Salman basqaratyn Sybaılas jemqorlyqpen kúres jónindegi komıtet sybaılas jemqorlyqqa qatysy bar joǵary bılikte otyrǵandardy tutqyndaý, shottary men aktıvterin buǵattaý, olardy tergep-tekserý jumystaryn bastap ketti. Kúdiktiler arasynda korol Salmannyń jıeni, mıllıarder ál-Valıd ıbn Tálál hanzada da bar.
