Saýd Arabııasynda tuńǵysh ret brıtanııalyq Elshi ıslam dinin qabyldady
ASTANA. QazAqparat - Ulybrıtanııa elshisi Saımon Kollız ıslam dinin qabyldaǵan jáne qajylyq jasaǵan Saýd Arabııasyndaǵy alǵashqy joǵary laýazymdy brıtanııalyq dıplomat atandy, dep jazdy Daily Mail-ǵa siltememen e-islam.kz.
Kollız habarlaǵandaı, ol musylmandar arasynda 30 jyl turǵandyqtan, ıslam dinin qabyldaý týraly sheshimge kelgen.
Basylym aqparatynsha, Saýd koroli atyndaǵy Ýnıversıtet (King Saud University) qyzmetkeri Fozııa Albakr (Fawziah Albakr) Twitter-degi óziniń paraqshasyna brıtanııalyq elshiniń qajylyq kezinde sırııalyq áıeli Hýdamen túsken sýretin jarııalady.
Basylym "Saýd Arabııasyndaǵy brıtanııalyq elshi ıslam dinin qabyldaǵannan keıin alǵashqy qajylyǵyn jasady: Saımon Kollız óziniń áıeli Hýdamen Mekkede", - degen fotonyń astyna jazylǵan sózderdi jarııalaǵan. Brıtanııalyq dıplomat jarııalanymǵa alǵys aıtqany habarlandy.
Kollız málim etkendeı, ol jańa dindi Hýdaǵa úılener aldynda qabyldaǵan, alaıda muny kóp adam bilmegen.
