Saýd Arabııasynda temekige tyıym salyndy
ASTANA. QazAqparat - Saýd Arabııasynda koroldik jastarynyń salaýatty ómir saltyn qalyptastyrý maqsatynda barlyq sporttyq stadıondarda temeki tartýǵa tyıym saldy, dep habarlady muslim.kz saıty.
«Temekige tyıym jańa sporttyq kezeńnen bastap óz kúshine enedi» dep málimdedi Abdalla ben Mased hanzada. «Bul bastama kórermenderdi temeki tútini zııanynan saqtaý maqsatynda qolǵa alynyp otyr. Sondaı-aq biz eldegi sporttyq jarystar úshin salaýatty ómir saltyn jolǵa qoıǵymyz keledi. Jýyq arada zańdy buzýshylarǵa arnaıy jaza taǵaıyndaımyz» dedi arab hanzadasy.
Ótken jyly júrgizilgen zertteý nátıjeleri boıynsha temeki shegýshiler tútinniń 15 %-yn ǵana jutyp, al 85 %-y ózgelerdiń densaýlyqtaryna zııanyn tıgizedi eken.
