Saýd Arabııasynda tabysy tómen azamattarǵa ótemaqy tólenbek
ASTANA. QazAqparat - Saýd Arabııasy úkimeti shilde aıynan bastap tabysy tómen jáne ortasha adamdarǵa olardyń qarjylyq jaǵdaıyn jaqsartý maqsatynda qarjylaı ótemaqy tóleıtin bolady, dep málimdedi Blýmberg agenttigine Saýd Arabııasy ekonomıka jáne josparlaý mınıstriniń orynbasary Mýhammed at-Tývıjrı.
Onyń aıtýynsha, 11 mıllıonnan astam adam qarjylyq kómek surap ótinish bildirgen, alaıda úkimet olardyń qanshasy ótemaqy alýǵa quqyly ekendigin saralap jatyr.
«Bizge basshylyq etetin murager hanzadanyń orynbasary Mýhammed ben Salmannyń nusqaýyna sáıkes, múmkindikke oraı barynsha kóp adamǵa kómek kórsetýge tyrysamyz», - dedi at-Tývıjrı.
