Saýd Arabııasynda suńqar rekordtyq 472 500 dollarǵa satyldy
NUR-SULTAN. QazAqparat - Saýd Arabııasynda ótken aýktsıonda suńqardyń baǵasy boıynsha jańa álemdik rekord ornatyldy, dep habarlaıdy QazAqparat Daily Mail -ge silteme jasap.
Saýd Arabııasynda 14 eldiń jetekshi selektsıonerleriniń qatysýymen ótken suńqar ósirýshilerdiń halyqaralyq aýktsıonynda AQSh -tan ákelingen aq suńqar satyldy.
Jyrtqysh qus bir jasqa tolmaǵan, salmaǵy 700 gramm, al uzyndyǵy 40 santımetrden aspaıdy. Bul janýar álemdegi eń jaqsy suńqar ósirýden tanymal bolǵan amerıkandyq Northwest Falcons fermasynan ákelingen.
Aıta ketken jón, Taıaý Shyǵysta suńqarmen ań aýlaýdyń uzaq tarıhy bar: Parsy shyǵanaǵy aımaǵynda suńqarǵa ıelik etý mártebeli sımvol bolyp sanalady, al qustar kóbinese baı jáne yqpaldy adamdarǵa beriledi. Alaıda bul somaǵa suńqar birinshi ret satyldy.
Tutastaı alǵanda, Saýd Arabııasynda 20 myńnan astam suńqar bar, qustar sonshalyqty qurmetke ıe, sondyqtan 2017 jyldyń shildesinde ańshylar qaýymdastyǵyn qurý týraly Saýd Arabııasy koroliniń jarlyǵy shyǵaryldy. Sondaı-aq bul el suńqarlardy joıylyp ketýden qorǵaý úshin halyqaralyq konventsııalarǵa da kelisken.
