Saýd Arabııasynda sý tasqynynan jeti adam qaza tapty
NUR-SULTAN. QazAqparat - Saýd Arabııasynyń soltústik-shyǵysynda bolǵan sý tasqynynan jeti adam opat boldy, dep habarlaıdy QazAqparat Al Ekhbariya telearnasyna silteme jasap.
Tolassyz jaýǵan nóserdiń arty sý tasqynyna ulasqan. Tabıǵı apattan kem degende jeti adam qaza taýyp, 11 adam zardap shekken.
Ádette, Saýd Arabııasynyń Kýveıtpen shektesetin aımaǵynyń klımaty qurǵaq, jaýyn-shashyn az bolady. Tabıǵattyń bul tosyn minezinen adamdardy qaýipsiz jerge kóshirýge týra kelgen.
Qazirgi ýaqytta sý basqan aımaqtarda mektepter ýaqytsha jabyldy.
