Saýd Arabııasynda namaz oqymaıtyndarǵa úılenýge tyıym salyndy
ASTANA. QazAqparat - Saýd Arabııasynda qalyńdyq nemese kúıeý jigit namaz oqymaıtyn bolsa, olardyń bas qosyp, turmys qurýyna tyıym salyndy. Bul jaıynda Arab News aqparat kózi atalmysh tyıym týrasynda jarlyq shyǵarǵan eldiń áleýmettik ister mınıstrligine silteme jasaı otyryp, habar taratty.
Sondaı-aq, atalmysh mınıstrlik shańyraq kótergisi keletin adamǵa ómirlik serigin taýyp berýge septesetin uıymdarǵa da olardyń namaz oqıtynyn nemese oqymaıtynyn anyqtaýǵa tapsyrma berdi. Al ondaı uıymdar óz kezeginde ózderine úılenip, úı bolǵysy keletini jóninde ótinish aıta kelgen adamnyń namaz oqıtynyn nemese oqymaıtynyn ımamdardan surap biletin bolady. Óıtkeni, ımam óz jamaǵatyn biledi. Áleýmettik ister mınıstriniń orynbasary Muhammed ál-Zahranı úılengisi keletin adamnyń kórshileri men tanystarynan, dos-jarandarynan onyń namaz oqıtynyn nemese oqymaıtynyn anyqtap bilýdiń de artyqtyǵy joq degen di alǵa tartyp otyr. Neke qııatyn agenttikterge de bul jaýapkershilik júktelip otyr. ıAǵnı, olar da aldaryna neke qıdyrýǵa kelgenderdiń namazy bar-joǵyn bilýi tıis.
Aıta keteıik, elde neke qııatyn 21 agenttik bar. Olardyń bári qaıyrymdylyq negizinde jumys isteıdi, dep jazady muftyat.kz.
