Saýd Arabııasynda mıgranttarǵa qarsy reıdter jarııalandy
ASTANA. 4 qarasha. QazAqparat - Dúısenbiden bastap Saýd Arabııasynda jumys isteýge ruqsatnamany rásimdemegen mıgranttar men olardy jaldaýshylarǵa aıyppul salý sharalary bastaldy.
Saýd Arabııasyna tabys jasaýǵa kelgen sheteldikterge 3 qarashaǵa deıin qujattardy rásimdeý nemese elden ketý múmkindigi usynylǵan bolatyn.
Atalǵan shara sheteldik jumysshylardan táýeldilikti qysqartýǵa jáne jumys oryndaryn ózderiniń jastaryna usynýǵa negizdelgen baǵdarlama aıasynda qabyldanyp otyr.
Sheteldik BAQ-tyń jazýynsha, ruqsat qaǵazdaryn rásimdeýdegi kidirister boıynsha kóptegen shaǵymdarǵa qaramastan, bılik tarapy polıtseılerdiń tekserýeriniń bastalýy jaıynda málimdedi. Zańsyz jumys istep júrgen shetel azamattary endi túrmege toǵytylady jáne olarǵa aıyppul salynady.
Saýd Arabııasynda segiz mıllıonǵa jýyq sheteldikter jumys isteıdi. Mıllıonǵa jýyq adam jumysqa turýdyń jańa erejeleri engizilgennen keıin elden shyǵyp ketken kórinedi.
BUU-nyń qyrkúıektegi baıandamasyna qaraǵanda, Saýd Arabııasy mıgranttar sany boıynsha álemde tórtinshi (Azııa elderi arasynda birinshi) orynda eken.
