Saýd Arabııasynda meshitti jarǵan lańkestiń «IM» sodyrlaryna qatysy bar
ÁBÝ-DABI. QazAqparat - Saýd Arabııasynyń shyǵysyndaǵy Katıf ýezinde ornalasqan meshitti jarǵan lańkes Koroldiktiń qaýipsizdik organdary «Islam memleketi» uıymyna qatysy bar degen kúdikpen izdestirgen Saleh ıbn Abdel Rahman Saleh al-Kashamı bolýy múmkin. Bul týraly Saýd Arabııasy ІІM-niń resmı ókili general Mansýr At-Týrkı habarlady.
Krımınaldyq saraptama boıynsha, jarylǵysh zat quramynda «geksogen» materıaly anyqtaldy.
Juma kúni Saýd Arabııasynyń shyǵysyndaǵy shıǵalar meshitinde lańkes jarylǵysh zatyn iske qosyp, 19 adam qaza tapty. Arab álemindegi sarapshylar bul oqıǵa súnnıtter men shıǵalar arasyndaǵy dinaralyq qaqtyǵysty órshite túskenin aıtty. Irak, Sırııa jáne Iemendegi oqıǵany esepke alǵanda jaǵdaı ýshyǵa tústi. Saýd Arabııasynyń ǵulamalar joǵarǵy keńesi qylmysty synǵa aldy. «Bul lańkestik áreket ıslam jáne adam qundylyqtaryna qaıshy. Bul Koroldik turǵyndary arasyndaǵy dinaralyq qaqtyǵysty órshitý úshin jasalǵan is», - dedi Keńes spıkeri Abdýlla bın Muhammed bın Ibrahım Al ál-Sheıh.
