Saýd Arabııasynda kógaldandyrý baǵdarlamasy aıasynda 10 mlrd túp kóshet egiledi
SAÝD ARABIıASY. QazAqparat – Saýd Arabııasynyń murager hanzadasy Muhammed ben Salman Al Saýd senbide jahandyq klımattyq ózgeristerge qarsy eki iri bastama jarııalady, dep habarlaıdy QazAqparat.
Akhbar Al Saudiya jańalyqtar portaly habarlaǵandaı, taq murageri koroldiktiń kógaldandyrý baǵdarlamasyn maquldady, onyń aıasynda aldaǵy onjyldyqtar ishinde 10 mıllıard kóshet egiledi.
Sonymen qatar, murager hanzada «Arab baýyrlarynyń kómegimen» «Jasyl Taıaý Shyǵys» baǵdarlamasyn iske qosýǵa nıetti, ol búkil aımaqqa 40 mıllıard aǵash otyrǵyzýdy kózdeıdi.
«Álemdegi jetekshi munaı óndirýshi retinde bizdiń koroldik klımat ózgerýiniń saldarymen kúresýdegi jaýapkershilikti sezinedi, jasyl álem qurý jolynda jahandyq kóshbasshy bolýǵa tyrysady», - dedi Muhammed ben Salman.
Muhammed ben Salman atap ótkendeı, Saýd Arabııasy Koroldigi basqa eldermen «planetany qorǵaıtyn jasyl jol kartasyn jasaýda» ózara árekettesedi. Ol 2016 jyly qabyldanǵan «Saýd Arabııasynyń kózqarasy: 2030» strategııalyq baǵdarlamasyn iske asyrý azamattardyń ómir súrý sapasyn arttyrýǵa múmkindik beretinin atap ótti.
