Saýd Arabııasynda eshki 3,5 mln dollarǵa satyldy
ASTANA. 10 qyrkúıek. QazAqparat - Eldi eleń etkizgen ózgeshe saýda oqıǵasy Saýd Arabııanyń astanasy Er-Rııadta boldy. Mal sharýashylyǵymen aınalysatyn áldebir adam áriptesinen asha tuıaqty úı janýaryn 13 mln. realǵa (3,5 mln dollar shamasynda) satyp alǵan. Bul jaıynda «ál-Arabııa» aqparat kózi habar taratty.
Bul jańalyq sol sátinde-aq shartarapqa tarady. Muslim.kz saıtynyń jazýynsha, myńdaǵan blogerler baǵasy sharyqtaǵan eshki men kelisimshartta kórsetilgen bank shotynyń fotosýretin óz saıttarynda ornalastyryp, oqyrmandarynyń aldynda upaı jınap álek boldy.
Sarapshylardyń sózine qaraǵanda, eshki sırek kezdesetin asyl tuqymdy bolǵandyqtan osyndaı baǵaǵa satylǵan.
