Saýd Arabııasynda erekshe metro salynady
ASTANA. QazAqparat - Saýd Arabııasynda koroldiktiń astanasy Er-Rııadada jaqynda metropolıten qurylysy bastalady. Jobaǵa sáıkes, 85 stansadan turatyn metropolıten 2018 jyly tolyqtaı ashylmaq, dep jazady Segodnıa.ua
Bul jobanyń jalpy quny - $22 mlrd. Jerasty joldarynyń jalpy uzyndyǵy 176 shaqyrymǵa sozylyp, 6 tarmaqqa bólinetin bolady.
Alstom Transport frantsýz kompanııasynyń atqarýshy dırektory Genrı Pýpar-Lafardjdyń sózine qaraǵanda, Er-Rııada metrosyndaǵy poıyzdar saǵatyna 80 shaqyrym jyldamdyqpen júretin bolady. Bir ereksheligi, olardy basqarý úshin mashınıstiń keregi joq. Sondaı-aq bul elektr poıyzdary osy aımaqtyń klımatyna beıimdendirilip, shań men qumnyń túsýinen qorǵaıtyn qurylǵylarmen jabdyqtalady.
