Saýd Arabııasynda da úkimetke qarsy narazylyq sherýi ótti
ASTANA. 11 naýryz. QazAqparat - Saýd Arabııasynyń elordasy - Er-Rııadta úkimetke qarsy narazylyq aktsııasy ótti. Bul týraly «Maıak» radıosy habarlady.
Polıtsııanyń sherýshilerdi qýyp taratý operatsııasy kezinde eń kem degende 4 adam zardap shekken.
Narazylyq aktsııasyna 200-ge jýyq shııttiń qatysqany aıtylady. Sońǵy eki apta boıy narazylyq sherýlerin uıymdastyryp otyrǵan shııtter, eldegi basym top - súnnıtter tarapynan kemsitýshiliktiń kóp ekenine aryzdanýda.
Saýdııadaǵy narazylyqtar ázirge jappaı emes, degenmen, bul sharalar shııtter jappaı narazylyq sherýlerin ótkizip jatqan kórshi Bahreındegi oqıǵalardyń áserimen bastalyp otyrǵanyn aıta ketý kerek.
