Saýd Arabııasynda da maımyl sheshegi anyqtaldy

ER-RIıAD. QazAqparat – Saýd Arabııasynyń astanasy Er-Rııadta shetelden kelgen adamnyń maımyl sheshegine shaldyqqany anyqtaldy, dep habarlaıdy QazAqparat Alarabiya.Net saıtyna silteme jasap.

Densaýlyq saqtaý mınıstrliginiń málimetinshe, aýrý juqtyrǵan adam qazir dárigerlerdiń baqylaýynda jáne oǵan bekitilgen medıtsınalyq protsedýralarǵa sáıkes kómek kórsetilip jatyr.

Naýqaspen qarym-qatynasta bolǵan adamdar tekserildi, synamalary saý ekendikterin kórsetti. Olarda aýrýdyń belgileri de joq.

Bılik kez kelgen jaǵdaıǵa daıyn ekenin málimdep, halyqty, ásirese saıahat kezinde medıtsınalyq nusqaýlardy oryndaýǵa shaqyrdy.

Buǵan deıin Reseıde maımyl sheshegi tirkeldi. «Rospotrebnadzordyń» baspasóz qyzmeti málim etkendeı, naýqas Eýropa elderine saıahattap kelgen.

Sondaı-aq, Qazaqstanda koronavırýstyń taralýyna qarsy vedomstvoaralyq komıssııa maımyl shesheginen saqtaný kerektigin eskertti.

Foto: english.alarabiya.net