Saýd Arabııasynda COVID-19-ǵa qarsy vaktsına almaǵandarǵa jumysqa shyǵýǵa tyıym salynady
ER-RIıAD. QazAqparat – Saýd Arabııasynda ár adam jumys ornyna barýy úshin koronavırýs ınfektsııasyna qarsy vaktsına alǵan bolýy mindetti. Bul týraly osy eldiń Kadrlar jáne áleýmettik damý mınıstrliginiń resmı saıtynda aıtylǵan, dep habarlaıdy QazAqparat The Economic Times agenttigine silteme jasap.
Vaktsına almaǵan adam óz jumys ornyna jiberilmeıdi. El bıligi jumys berýshilerdi vaktsınalaý protsesine daıyndaýdy tapsyrdy.
«Qyzmetkerler óz jumys ornyna bara alýy úshin koronavırýs ınfektsııasyna qarsy vaktsına alǵan bolýy mindetti. Bul — memlkettik, jeke jáne kommertsııalyq emes uıymdarǵa da ortaq talap» delingen habarlamada.
Іndet bastalǵaly Saýd Arabııasynda 423 000 adamnan KVI anyqtaldy. 7000-nan astam adam bul dertten qaza tapty.
Aıta keteıik, buǵan deıin el bıligi koronavırýsqa qarsy vaktsına alǵan adamdarǵa qajylyq paryzyn óteý úshin kelýge ruqsat beretini jaıly habarlaǵan bolatynbyz.
