Saýd Arabııasynda bir mıllıon dollar turatyn qalamsap saýdaǵa qoıylady
ASTANA. QazAqparat - Sáýir aıynyń basynda Er-Rııadta ótetin World Luxury Expo kórmesinde Montegrappa kompanııasynyń 100 jyldyǵyna arnap shyǵarylǵan qalamsap satylady. Ol bir mıllıon dollarǵa baǵalandy, dep habarlaıdy Luxurylaunches.
Áńgime Ultimate Centennial Dragon qalamsaby týraly bolyp otyr. Ony jasap shyǵarý úshin 300 gramm altyn qajet boldy, jazýshy qural gaýhar tastarmen, sondaı-aq laǵyl jáne merýert tastarmen bezendirilgen. Qalamsap qýattylyq pen gúldenýdiń sımvoly bolyp tabylatyn qytaılyq aıdahar músinshesimen bezendirildi.
Basylymnyń atap ótýinshe, eger kórmede qalamsapty satyp alatyn adam bolmasa, ol Nıý-Delıdegi The Luxury Festival aıasyndaǵy saýdaǵa shyǵarylady.
Centennial Dragon jelisi 2012 jyly qurylǵan, onyń shyǵarylýy kompanııanyń 100 jyldyǵyna oraılastyryldy. Tırajy 100 danany qurady, sonyń ishinde 33-i qyzǵylt altyn, 33-i - sary, taǵy 33-i - aq altynnan jasalǵan. Júzinshi danasy eksklıýzıvti bolyp, Ultimate Centennial Dragon ataýyna ıe boldy.
