Saýd Arabııasynda áıelderge túngi aýysymda jumys isteýge tyıym salyndy
ASTANA. QazAqparat - Saýd Arabııasynyń Eńbek mınıstrligi áıelderge túngi 11-den tańǵy saǵat 9-ǵa deıin jumys isteýge tyıym saldy. Mundaı sheshim áıelderdiń kóshede adam joq kezde jalǵyz júrýiniń aldyn alyp, ári qaýipsizdigi úshin shyǵarylyp otyrǵan kórinedi, dep jazady sheteldik BAQ.
Degenmen, mınıstrlik jumys berýshilerdi áıelderdi názikjandylar qaýymyna qyzmet kórsetetin mekemelerge belsendi túrde jumysqa qabyldaýǵa shaqyrdy. ıAǵnı, bul jerde tek áıelderge arnalǵan dúkender, sulýlyq salondary men sport klýbtary týraly aıtylýda dep jazady arabııalyq aqparat quraldary.
Buǵan deıin Saýd Arabııasynda 3 myńdaı adam qatysqan áleýmettik saýalnama júrgizilgen bolatyn. Saýalnamaǵa jaýap bergenderdiń kópshiligi quzyrly organdarda, dıplomatııalyq ókildikterde jáne jeke kompanııalarda basshylyq qyzmetterge áıelderdiń taǵaıyndalýyn quptaıtynyn bildirgen edi. Qazirgi kezge deıin
osy eldiń azamatshalarynyń qol jetkizgen eń joǵary laýazymdy mansaby - Bilim mınıstriniń orynbasary bolyp otyr.
