Saýd Arabııasynda áıelderge erleriniń ruqsatynsyz saıahattaýǵa ruqsat berildi
NUR-SULTAN. QazAqparat – Saýd Arabııasynyń bıligi áıelderge erleriniń ruqsatynsyz shetelge shyǵýǵa ruqsat berdi, dep habarlaıdy Okaz basylymy.
Bılik 21 jastan asqan áıelderge tólqujat alyp, qamqorshynyń ruqsatynsyz elden shyǵýǵa múmkindik beretin qujattar men azamattyq mártebe týraly zańǵa engizilgen túzetýdi maquldady.
Qamqorshylyq amalyna sáıkes, áıelder tólqujat alýǵa ótinish bergende nemese elden shyǵatyn kezde, turmys qurarda ákesinen nemese kúıeýinen, keıde aǵasynan nemese ulynan ruqsat alýy kerek bolǵan.
Basylymnyń atap ótýinshe, túzetýler qamqorlyq júıesin buzbaıdy, degenmen osy baǵyttaǵy aıtarlyqtaı ózgeris bolyp otyr.
