Saýd Arabııasynda áıelderdi uryp-soǵýǵa tyıym salyndy
ASTANA. 31 tamyz. QazAqparat - Saýd Arabııasynyń tarıhynda tuńǵysh ret otbasyndaǵy zorlyq-zombylyqtyń aldy-alýǵa arnalǵan áleýmettik máni bar baǵdarlama qabyldandy, dep habarlaıdy muslim.kz.
Osy naýqan aıasynda kózi kógergen áıeldiń sýreti ilindi. Sýrettiń astynda «Keıbir nárselerdi jasyrý múmkin emes» dep jazylǵan
Saýd Arabııasynyń turǵyndary úshin bul baǵdarlama qyz-kelinshekterge qatysty oń ózgeristiń belgisi bolyp tabylady. Atalmysh baǵdarlamany Saýd Arabııasyn 1975 jyldan 1982-shi jylǵa deıin basqarǵan korol Halıd atyndaǵy qor júzege asyrady.
Koroldik qordyń saıtyndaǵy habarǵa qaraǵanda, el aýmaǵynda áıelderdi uryp-soǵý keńinen etek alǵan. Patrıarhaldyq qurylym ústemdik etken elde osynaý keleńsiz oqıǵalar qupııa kúıinde qalyp qoıyp jatatyny jasyryn emes.
