Saýd Arabııasynda áskerı ushaq apatqa ushyrady
ASTANA. QazAqparat - Saýd Arabııasynyń ÁÁK-niń eki ushqyshy oqý-jattyǵýǵa arnalǵan ushaq apaty saldarynan qaza tapty, dep habarlady eldiń Qorǵanys mınıstrliginiń aqparatyna silteme jasap Reuters.
«Korol Feısal atyndaǵy Áskerı-áýe akademııasynyń oqý-jattyǵý ushaǵy apatqa ushyrady. Ushaq jarylyp, onyń saldarynan nusqaýshy men ushqysh-kýrsant kóz jumdy», - delingen mınıstrlik habarlamasynda.
Osy habarlamany ázirlegenge deıin ushaq túri men apat sebepteri jaıly derekter túspedi, dep habarlady RBK .
21 sáýirde Er-Rııad Iemende koalıtsııa Saýd Arabııasynyń basshylyǵymen júrgizgen «RSheshýshi shabýyl» áskerı operatsııasynyń aıaqtalǵanyn habarlaǵan. Operatsııa Iemende búlikshilerdiń nysanyna avıasoqqylar jasaýdy qamtydy.
Budan basqa, Saýd Arabııa bıligi koalıtsııanyń jańa operatsııaǵa kirisip jatqanyn habarlady. Ol Iemendegi qaqtyǵysty saıası jolmen sheshýge, qaýipsizdik pen terrorızmmen kúreske baǵyttalǵan. Onyń negizgi mindetteri Iemendi qalpyna keltirip, hýsıt-kóterilisshilerdi beıtaraptandyrý bolmaq.
