Saýd Arabııasynda aptap ystyqta shól qysqan jylan adam qolynan sý ishti
ASTANA. QazAqparat - Saýd Arabııasynda turǵyndar aptap ystyqta shól qysqan jylanǵa bótelkemen sý bergen, dep jazady Daily Mail basylymy.
Vıdeoda jylan kadrdan tys adam usynǵan bótelkedegi sýdy qushyrlana iship jatqandyǵy baıqalady. Bótelkedegi sý taýsylǵan kezde baýyrymen jorǵalaýshy óz jónimen kete barǵan.
Basylymnyń habarlaýynsha, Rýb-el-Halı shólinde sol sátte aýa temperatýrasy shamamen 40-50 gradýsqa jetken.
Buǵan deıin osyǵan uqsas oqıǵa Úndistanda bolǵan. Munda ábden shólirkegen kobra sý izdep, eldi mekenge kelgen.
